طرحت المغنية المصرية شيرين عبد الوهاب أحدث أغانيها “كلها غيرانة” من كلمات محمد مصطفى، وألحان محمود أنور، وتوزيع محمد مجدى، وحققت الأغنية ما يقرب من 3 ملايين مشاهدة عبر حساب شركة “روتانا” على يوتيوب في أقل من 48 ساعة على نشرها.
الأغنية تتحدث عن الحاقدين وأصحاب النفسية السوداء الذين يغارون من جمالها وشخصيتها، داعيةً إياهم لتقليدها بدلاً من اغتيابها والحديث عنها في كل مناسبة، وهذا الكلام عنها لا يؤثر فيها سلباً بل يزيد جمالها.
الأغنية أطلقت بالتزامن مع الشائعات التي تلاحق شيرين وعلاقتها بزوجها حسام حبيب، مع حديث دائر عن طلاقهما واستغلاله لها، التي لم يرد عليها أي من الثنائي، الذي سبق له الرد على شائعات أطلقت قبل أشهر، لكن كان مصدرها وقتها والد حسام حبيب.
توقيت إصدار الأغنية بهذا التزامن قد يجعل الجمهور يعتبر كلماتها رسائل موجهة أو تنطبق على حياة شيرين، لكن أيضاً نمط الغناء للبنت والسيدة القوية المتحدية يزداد رواجاً مع تقديم عدد من النجمات أغاني بالنمط نفسه من الكلمات.
تقول كلمات الأغنية:
كلها غيرانة بتحقد والنفسية سواد
لو أعدّي في حتة أنا مش بسلم من الكومنتات
طب أعمل إيه ما انا ست جميلة ودي كاريزمات
أنا بدخل أي مكان باقلبه ده بفضل الله
واللي يشوفني على طول باعجبه من غير معاناة
في حاجات كده خِلقة ربنا مش مجهود عاملاه
خلوا اللي يغِير مننا ييجي ويعمل زينا
من غير ما يغل يقول ويضربنا في ضهرنا
خلوه ييجي في وشنا لو عنده حاجة يقول لنا
وبلاش بقى شغل قالوا لنا كفاية كلام عننا
الناس طول ما بتتكلم عنك ليك قيمة
جايبين سيرتك بالخير أو كانت دايرة نميمة
سيبها على الله وفُكك طول ما النية سليمة
وأنا في المواضيع ده أنا واخدة شهادة خبرة سنين
وكلام الناس بقى بالنسبالي زي البنزين
بيخليني أنوّر أكتر وأثبت أنا مييييييين
تعليقات
إرسال تعليق